DiggeHä?
„DiggeBlasmussig – DiggeStimmung – DiggeBagge“ – des sin mir!
Guude unn schee, dass de bei uns vorbeikliggst!
Mir sin e lussdisch Blaskapell’ aus‘m wunnerscheene Kinzischtal – mit Mosch bis Motörhead im Blud. Uns duud de Schbass an Digger(Blas-)mussig verbinde. Dadebei wern net nur die traditionelle Tiddel uffpoliert, aach so en neumodische Kram wie Pardie- unn Rockgedöns werd bei uns gespielt (mer hält‘s im Kopp net aus!).
DiggeStimmung bei de unnerschiedlichste Iwents wie bei Oktowerfeste, Beachpaadies, Volksfeste, Firmefeiern, Frühschobbe, Middaachsschobbe, Feierabendschobbe (unn sonstische Schobbe aller Art) is garantiert! (Abber sowas von, fraach net!) Durch die Mussigvereine der Reschion vo Grenn bis nach Aalemeddele (unn noch viel wieder!) unn von Neubersch bis Behsekassel un sogar Braadeburrn (!) mit Blasmussig oogesteggt, wolle mer aach disch mit DiggerBlasmussig narrisch mache, gell?!
Do You Blasmussig?